ini madatong an caangotan nin Dios sa magña áquí nin casumbicalan.
7 Cayá day nangayod camo maquipagdamay sa sainda;
8 Háros ta can sarong panahon anan camong magña cadícloman; alagad gñunian anan camong magña ilao dian sa Cagurangnan: maglacao camo siring sa magña áquí nin ilao,
9 (háros ta an bugña can Espíritu iyo an nasa bilog na carahayan, asin catanosan patin catotoohan)
10 Na pinapagcanigó itong macacasonó ó macacaogma sa Cagurangnan.
11 Asin day camo maquisomaró sa magña guibo na day ni papaquinabagñon nin magña cadicloman, condi na marhay pa isicual nindo iyan.
12 Háros ta masiuauang bagay pa na magtaram caitong guiniguibo ninda sa hilom.
13 Alagad an gabos na magña bagay con tinutumang nin catanosan nagcacaharayag sa caliuanagan; háros ta an nagpapahayag can gabos iyo an ilao ó caliuanagan.
14 Nin huli caiyan an olay: Pagmatá ica na natotorog, asin magbagñon ca sa magña gadana, asin papaliuanagan ca ni Cristo.
15 Horop-horopa nangayod nindo con páano an saindong paglacao na may pacatalastas; bacong siring sa magña cablas, condi siring sa magña madonong;
16 Na tubson an panahon, huli ta an magña aldao anan na magña maraot.
17 Cayá day sucat camo magpacalolong, condi magña sabot ó tatao con arín an cabotan nin Cagurangnan.
18 Asin day camo magbuburat sa arac, na dian caiyan igua nin pasuruhay, condi na magpacapanó camo nin Espíritu;
19 Na magorolayolay camo sa saindo man sana na magcaranta nin magña awit asin magña cantahon na sa espíritu, na mag-awit asin magomao sa Cagurangnan sa saindong magña pusó;
20 Na magpasalamat guiraray sa gabos na bagay sa Dios asin Amá sa gñaran nin Cagurangnan tang Jesucristo:
