50
5 Asin pagdaratong sa sarong ibong, an nagña discipulo nacaromdom na sinda nacaligñao magdará nin tinapay.
6 Asin si Jesús sinabihan sinda, Mag-igñat camó na magrilicay sa levadura nin magña Fariseo asin nin magña Saduceo.
7 Tará sinda na naghorophorop sa sainda man sana, na nagsasarabi, Ini huli ta day quita nagdarang tinapay.
8 Asin can maaraman, idto ni Jesús nagsabi, Ano ining pighorophorop nindo sa saindo man saná, magña tauo na cadiquit an pagtubod, huli ta day camong tinapay?
9 Day pa nindo nasasabotan guiraray, asin day na camo nacacaromdom can limang tinapay na binaragña sa limang ribong lalaqui, asin cun pirang cararao an pigburuhat nindo?
10 Asin day na man si pitong magña tinapay sa apat na ribo, asin cun pirang cararao pigburuhat nindo?
11 Táano ta day nindo nasasabotan na day ta camo pigtaraman dapit sa tinapay? condi mag-irigñat camo sa levadura nin magña Fariseo asin nin magña Saducco.
12 Dagñan nagcasarabotan ninda na day sinda sinabihan na mag-rilicay sa levadura nin tinapay, cundi sa hulit nin magña Fariseo asin nin magña Saduceo.
13 Asin can pacadatong ni Jesús sa magña nasasacopan nin Cesarea sa Filipo, hinapot an saiyang magña discipulo, na nagsabi, ¿Ano an sarabi can magña tauo na iyo an Aqui nin tauo?
14 Asin sinda nagsarabi, An magña iba, na si Juan a Bautista; an agña iba, na si Elias; asin an imagña iba, na si Jeremias, ó saro nin si magña profeta.
15 Nagsabi si Jesús sainda, Alagad camo ano an sabi nindo, si-isay aco?
16 Asin si Simon Pedro sinimbag sia, na nagsabi, Icá iyo an Cristo, an Aqui nin Dios na buhay.
17 Asin si Jesús sominimbag, na sinabihan sia, Paladan ca, Simon, áqui ni Jonás; huli ta day ipinahayag ini saimo can lamán asin can dugô, cundi can sacong Amá na nasa lagñit.
