14 Siring man sana, bacong iyo an cabôtan nin saindong Ama na nasa lagñit na an saro caining magña saradang na áqui mapabamac.
15 Caya, cun an tugang mo magcasala tumang sa saimo, paduman ca, ipahayag mo saiya an saiyang casâlan sa saindong dua sana: cun ica dagñogon, nadaog mo an saimong tugang.
16 Cun day ca dagñogon, ipagiba mo an saro ó duá pa, ta gñaning sa gñoso nin duá ó tolong sacsi mapatotoo an gabos na tataramon.
17 Asin cun day nia dagñogon sinda, sabihon mo sa Iglesia tará cun day nia dagñogon an Iglesia ipamugtac mo sia siring sa sarong Gentil asin sa sarong publicano.
18 Sa catotoohan sinasabihan co camó, na an gabos na gaposon nindo sa ibabao can daga gagaposon sa lagiit; asin an gabos na hubadan nindo sa ibabao nin daga, huhubadan sa lagñit.
19 Sinasabihan co camó liuat, na cun an duá sa saindo magca-oyon sa ibabao can daga dapit sa anoman na bagay na bahagadon nindo, guiguibohon sa saindo nin sacong Amâ na nasa lagñit.
20 Huli ta saen man na an duá ú toló na nagcacatiripon, sa gñaran co, dihan yaon acó sa tabao ninđa.
21 Dagñan nagdoloc si Pedro, na sinabihan sia, Cagurangnan, macapirang magcacasalâ an sacong tugang tumang sa sacô, na sacong papatauadon? ¿sagcod sa icapito?
22 Si Jesús nagsabi saiya, Day co sinasabi saimo, Sagcod sa icapito; cundi: Sagcod sa pitong polong pito.
23 Caya an cahadêan nin lagñit nacacaaguid sa sarong hadê, na boot maquipagsaray can magña pautang sa saiyang magña oripon.
24 Asin can magpoon maquipagsaray, inatubang saiya an sarô na nagcacautang saiya nin sampolong ribong talento.*
- An sarong talento may duang ribong pisos.
