1 Asin nangyari na can matapus ni Jesús ining magña pagtocdò, naghalê sa Galilea, asin napadumán sa magña nasacopan nin Judea, sa ibong nin Jordán.
2 Asin nagsoronod saiya si daculang cadaclán nin tauo; asin pinaomayan nia dihan si magna naghebelang.
3 Asin nagdaratong sa saiya an magña Fariseo, nagsosorogot saiya asin na nagsarabi, ¿Maninigó dao sa lalaqui na ibolag an saiyang agom huli sa anoman na dahelan?
4 Asin sia nagsimbag, na sinabihan, ¿Day nindo nabasa na an caglalang, magpoon sa capinónán, guinibo an lalaqui asin babaye,
5 asin sinabihan, Dahel caining bagay na ini babayaan can lalaqui an amâ asin inâ, asin maquiquisarò sa saiyang agom; asin an duá manini sarong lamán?
6 Cayâ gñani bacô na sindang duá, cundi sarong lamán. Nin buli caini, idtong pinagsarô nin Dios, day na mabobolag iyan nin tauo.
7 Sinda nagsarabi saiya, ¿Tádao gñani ta ipinagboot 'ni Moisés na magtao nin surat sa pagbolag, asin ibobolag an babaye?
8 Nagsabi sia sainda, Huli sa catagasan nin saindong magña pusô itinogot sa saindo ni Moisés na ibolag an saindong magña. agom tará sa capinonan bacong siring,
9 Asin isinasabi co sa saindo, na si-isay man na lalaqui na ibolag an saiyang agom, na bacô man an dahelan sa pagpasambay, asin mag-agom sa iba, nagcacasalâ nin adulterio; asin an lalaqui na mag-agom sa babaeng binolagan, nagcacasalâ nin adulterio man.
10 An magña discipulo nagsarabi saiya, Can iyo iní an camugtacan can lalaqui sa saiyang agom, day maninigô na mag-agom.
11 Tará sia sinabihan sinda, Day an gabos minaaco caining tataramon, cundi idtong magña pinagcatalagahan nia.
