tagnaning day maghoyop-hoyop si doros sa ibabao nin dagâ,
minsan sa ibabao nin dagat, minsan pa sa ibabao nin saró
man lamang na cahoy.
2 Asin nacahiling aco nin sarong laen na ángel na nagsasacat halê sa pinagsisiragñan nin si aldao na igua siang tandâ nin Dios na buhay: asin nageurahao sa daculang tigñog duman sa apat na ángeles, na sinda an tinauan nin capangyarihan sa pagratac sa dagâ patin sa dagat.
3 Na an olay: Day nindo guibohon an carâtan sa dagâ, minsan sa dagat, minsan pa sa magña cacahoyan, sagcod na matandaan niamo an magña oripon nin satuyang Dios sa saindang magña agñog.
4 Asin nadagñog co si cabilagñan nin si magña tinandáan : sangatos apat na polò may apat na ribo si magña tinandaan sa gabos na magña tribus ó guican nin capagaraquían ó magña áqui ni Israel.
5 Sa guican ni Judá cagduang ribo an tinandâan. Sa guican ni Ruben cagduang ribo an tinandaan. Sa Guican ni Gad cagduang ribo an tinandaan.
6 Sa guican ni Aser, cagduang ribo an tinandaan. Sa guican ni Neftalí, cagduang ribo an tinandaan. Sa guican ni Manasés, cagduang ribo an tinandaan.
7 Sa guican ni Simeón, cagduang ribo an tinandâan. Sa guican ni Leví, cagduang ribo an tinandaan. Sa guican ni Issachar, cagduang ribo an tinandàan.
8 Sa guican ni Zabulón, cagduang ribo an tinandaan. Sa guican ni José, cagduang ribo an tinandaan. Sa guican ni Benjamin cagduang ribo an tinandaan.
9 Pacatapus can magña bagay na ini hiniling co, asin uya digdi, an sarong daculang pagiriba, na iyan day mayó nin siysay paman na macacabilang, nin gabos na catauohan, asin capagaraquían asin magña banuâan, asin magña laen-laen na pagtataram, na duduman sa atubagñan nin si trono asin sa atubagñan nin si Cordero, anan na magña samno nin magña gubing na maputi, asin iguang magña palmas sa saindang magna camot;
