7 Asin an magña doron siring baga sinda sa cabaing can magña cabayo na naáandam sa paquipaglaban: asin sa ibabao nin saindang magña payo baga iguang coronas na caaguid sa bulauan; asin an saindang magña lalaugon siring baga sa lalaugon nin magña tauo.
8 Asin igua nin magña bohoc na siring can magña bohoc nin magña tauong babae: asin an saindang magña gñipon baga siring sa magña gñipon nin magña leones.
9 Asin igua nin magña salipod na siring sa lipod na batbat; asin an ragobnob nin saindang magña pacpac siring baga can ragot nin magña carreta na iguang dacol na magña cabayo na nagdadaralagan nin macosog sa pagralaban.
10 Asin igua nin magña icog na anan na nacacaaguid can magňa sa potiocan, asin igua dian sa saindang magña icog nin magña sogod na mapapanas; asin an saindang capangyarihan iyo an pagratac sa magña tauo ó pagsogod sa magña tauo sa laog nin limang bulan.
11 Asin an saindang pinacanghade an ángel can bûgñao, na an gñaran nia sa hebráico iyo si Abaddon, asin con Ba Griego, Apollyon.
12 Asin an enot na ¡Ay! nacalihis na: uya digdi na madatong pa guiraray an duang ayes ó agragñay pacalihis can magña bagay na ini.
13 Asin si icaanom na ángel pinatanog si trompeta nia; asin nacadagñog aco nin sarong tigñog sa apat na sugñay nin altar na bulauan na dudaman sa atubang nin Dios.
14 Na sinabihan an icaanom na ángel na igua nin trompeta : hubadan mo an apat na ángeles na nagagacdan dian sa daculaon na salog na Eufrates.
15 Asin nagcahurubadan si apat na ángeles na naaandam manogñod sa horas asin aldao patin bulan asin taón, sa paggadan can sarò sa tolong cabtang nin magna tauo.
16 Asin an cabilagñan nin si ejército sa magña nagcacabayo iguang duang gatos na manribo-ribo. Asin nadagñog co an cabilagñan ninda.
17 Asin siring caiyan nahiling co si magña cabayo sa buhay na pagñatorogan, asin si magña sa ibabao ninda na naglulunad,
