6 Háros ta sinda pinabolos si dugo nin si magña santos asin nin magña, profetas, ica man pinainom mo sinda nin dugo; háros ta iyan magcacanigo sa sainda.
7 Asin nadagñog co si saro sa altar, na nagsasabi: Totoo nangayod, Cagurangnan na Dios Macacamhan sa gabos, an saymong magña paghocom anan na magña totoo asin magña matanos.
8 Asin si icaapat na ángel inulâ si saiyang copa sa ibabao nin si aldao; asin itinogot sa saiya na masolô si magña tauo nin calayo.
9 Asin si magña tauo nagcasorolô huli nin si macuring init, asin linanghadan ninda an gñaran nin Dios, na igua nin capangyarihan caining ó dapit can magña hampac na ini, asin day nagñagsolsol sa pagtao sa saiya nin camurauayan.
10 Asin an icalimang ángel pinabolos si saiyang copa sa ibabao can tinutucauan nin si hayupan; asin si saiyang cahadêan naguing madiclomon, asin pinagcacaragat si saindang magña dilâ sa colog:
11 Asin linanghadan ninda an Dios nin lagñit huli nin si saindang magña cacologan, asin huli nin si saindang magña hampac na tinitíos, asin day nagñagsolsol can saindang magña guinibo.
12 Asin si icaanom na ángel pinabolos si saiyang copa duman sa daculang sálog na gñinagñaranan Eufrates: asin si saiyang tubig ominubas, tagñaning maandam si dalan na aaguihan nin si magña hade sa siragñan.
13 Asin nabiling cong nagluluas sa gñosó nin si dragón, asin sa gñosô nin si hayupan, asin sa gñoso nin si puticon na profeta, an tolong espíritu na marupit siring baga sa magña talapang:
14 Huli ta anan na magña espíritu nin magňa demonio, na nag-guiguibo nin magna tandâ, gnaning macapadian sa magña hadê nin daga asin nin bilog na quinában, sa pagtiripon sa sainda manogñod sa pagralaban sa aldao na itong-daculaón nin Dios na macacamhan sa gabos.
15 Uya digdi, aco madatong siring sa mahâbon. Paladan an magpucá, asin hinigñatan an saindang magña gubing, ta-
