15 Dagñan nagharalé an magña Fariseo, na nagpahatol-hatol sinda man sana, cun páano an pagdacop saiya sa anoman lamang na taturamon.
16 Sinogô gñani saiya an saindang magña discipulo cairiba can magña Herodiano, na nagsarabi, Maestro, naaaraman mi na icá para-patotoo, asin itinotocdo mo an totoong dalan nin Dios; asin day ca natatacot sa qui-isay man, huli ta day ca naghihiling can camugtacan nin magña tauo.
17 Sabiban mo-gñani cami cun añó sa honâbonâ mo, Maninigô sa banua nin Dios magtaó can buhis qui César, ó day?
18 Alagad si Jesús, na namimidbid an caraotan ninda, sinabihan sinda, Tádao ta sinosogotan acó nindo magña para-saguinsaguin?
19 Pahiligñan nindo dao saco an pirac na sa buhis. Sinda giani dinará saiya an sarong denario.
20 Asin sia sinabihan sinda, Sa qui-isay ining ladauan asin ining násùsurat?
21 Nagsarabi saiya, Qui César. Dagñan sinabihan sinda, Bayadan gñani nindo sa César an qui César; asin an sa Dios, sa Dios.
22 Can madagñog ini, nag-gñaralás, asin binayaan sia, nagharalê.
23 Can aldao na yan nagdirigdi sa saiya an magña Saduceo na nagsasarabi na day nin pagcabuhay liuat, asin nagharapot saiya,
24 na nagsarabi, Maestro, si Moisés sominabi, Cun si-isay man na lalaqui magadan na daing magña áqui, aagomon can saiyang tugang na lalaqui an agom nia, asin magbuhay nin aqui sa saiyang tugang.
25 Iguá gnani sa samo nin pitong magturugang na lalaqui: asin an matuá, pacaagom, nagadan; asin ta day nin áqui, iuinalat nia an saiyang agom sa saiyang tugang na lalaqui.
26 Siring man guiraray an icaduá, asin an icatoló, sagcod sa icapitó.
