magña tandâ asin magña gñagñalasan, nin huli caini pagdadarayaan, cun sucat mangyari, minsan pa an magña pinili.
25 Uya, ipinatanid coná sa saindo, caidto.
26 Cun sabihon gñani sa saindo, Uya digdi, nasa patag, day camo magruluas: ó: Uya digdi, sa magna linamban, day camo magturubod.
27 Huli ta siring sa quiquilat na minaluas sa siragñan, asin nahihiling sagcod sa solnopan, siring man an pagpadigdi can Aqui nin tauo.
28 Saen man camumugtac an bangcay, dihan man sana magtitiripon an magña águila.
29 Asin gñapit, pacatapus can camondoan sa magña aldao na idto, an aldao magdidiclom, asin an bulan day magliliuanag, asin an magña bitoon magcacahorolog sa lagñit, asin an magna capangyarihan nin calagñitan magcacaherero:
30 asin dagñan magtutugñá an tandâ can Aqui nin tauo sa lagnit; asin dagñan mag-aaragragñay an gabos na magña catauohan sa dagâ, asin mahihiling an Aqui nin tauo na mapadigdi nasa magña pagñanoron nin lagñit, na may capangyarihan asin daculang camurauayan.
31 Asin sosogóon an saiyang magña ángeles, caiba an daculang tanog nin trompeta, na titiriponon an saindang magña pinili sa apat na doros, magpoon sa sarong guilid nin lagnit sagcod sa ibong.
32 Sa higuera, gñani, paghinonodan nindo ining halimbauá: Cun an saiyang sagñá nagsosoli asin nagdadahon, sasaboton nindo na an panahon nin init barani na.
33 Siring man camó, cun magcahiriling na nindo ining gabos na magña bagay, sasaboton nindo na harani na, nasa magña pinto-na.
34 Sa catooban, sinasabihan ta camo, na day macacalibis ining capagaraquian na ini, sagcod na day mangyari ining gabos na nagña bagay.
