35 An lagñit asin an dagâ magpapacalihis, alagad an sacong magña tataramon day macacalihis ó mayong liban.
36 Alagad dapit caidtong aldao asin oras, daing nacacaisi cun noarin, minsan an magña ángeles sa lagñit, minsan an Aqui, cundi an Amâ sana.
37 Tará siring can magña aldao ni Noé, siring man an pagpadigdi can Aqui nin tauo.
38 Huli ta siring can magña aldao na naenot nin si diluvio* na nagcacaracan asin nag-iirinom, na nag-aaragom asin itinotógot sa pagagom, sagcod sa aldao na si Noé lominaog sa arca,
39 asin day ninda nagcasarabotan sagcod na ominabot an diluvio, asin dinará sinda gabos; siring man an pagpadigdi can Aqui nin tauo.
40 Dagñan an nagtataid na dua catauo sa omá; an sarò iyo an dadarahon, asin an sarô iuaualat:
41 Duang babaye na nagguiguiling sa guiligñan; an sarô dadarahon, asin an saró iuaualat.
42 Magpuruca nangayod camó huli ta day nindo naaaraman cun anong aldao mapadigdi an saindong Cagurangnan.
43 Ini alagad iisipon nindo, na cun an amâ nin familia ó capagaraquian maisihan cun anong oras madatong an mahâbon, magpupucá, asin day papabayaan na pagcotcotan an saiyang barong.
44 Caya, mag-arandam man camo; huli ta sa oras na day nindo pinag-iisip, an Aqui nin tano madigdi.
45 Si-isay dao an oripon na masinonod asin masoripot na sia ibugtac nin saiyang cagurangnau sa pag-ataman can saiyang familia, ta gñaning tauan sinda nin pageacan sa panahon?
_______________
* An pagcatondag can daga dahel sa oran na macuri.
