Plantilya:IndentKun magdesisyon an Kongreso, sa laog nin sampolong aldaw pakaresibe kan huring nakasurat na deklarasyon, o, kun dai nin sesyon sa laog nin doseng aldaw pakalihis ini kinakaipuhan matiripon, sa paagi nin dos-tersyong boto kan dwang camara, sa separadong pagboto, na dai kayang gibuhon kan Presidente an mga poder asin obligasyon kan saiyang katongdan, an Bise-Presidente an dapat maak- twar na Presidente, kun dai, kaipuhan magpadagos an Presidente sa paggibo kan mga poder asin obligasyon kan saiyang katongdan.
Plantilya:IndentSek. 12. Engkasong maghelang nin grabe an Presidente, kaipuhan ipaaram sa publiko an kamugtakan kan saiyang salud. An mga Myem- bro kan Gabinete na namamahala sa seguridad nasyonal asin mga relasyon sa ibang nasyon asin an Hepe kan Estado kan Pwersa Armada kan Pilipinas, dai dapat ipangalad an pagdulok sa Presidente sa pana- hon kan siring na paghelang. Plantilya:IndentSek. 13. An Presidente, Bise-Presidente, an mga Myembro kan Gabinete, asin an saindang mga Depyuti o mga katabang, sa laog kan termino kan panahon kan saindang pagseserbisyo, dai dapat magkapot nin anuman na iba pang katongdan o empleo apwera kun itatao an naiiba sa Konstitutsyon na ini. Sa panahon kan nasambit na pagseser- bisyo, sinda dai dapat magpraktis nindirekto o bakong direkto kan anuman na iba pang propesyon, sumale direkto o bakong direkto sa anuman na negosyo o maging interesado sa kwarta na direkto o bakong direkto sa anuman na kontrata, o sa arinman na prangkisa, o espesyal na pribilehyo na itinao kan Gobyerno o kan arin man na korporasyon na sadiri o kontrolado kan gobyerno o mga subsidyari kaini. Dapat nindang likayan nin marhay an kontrang interes sa pag- otob kan saindang katongdan.
Plantilya:IndentAn asawa asin mga paryentes kan Presidente sa dugo o sa relasyon sagkod ikapat na gradong sibil, sa termino kan panahon kan saiyang pagseserbisyo, dai dapat manombraran na mga myembro kan Komis- yon Konstitusyunal, o kan Opisina kan Ombudsman, o mga Sekre- taryo, mga Katabang na Sekretaryo, mga tagapamayo o mga hepe nin bureau o mga opisina, kairiba an mga korporasyon na sadiri o kontro- lado kan gobyerno asin mga subdisyari kaini.
Plantilya:IndentSek. 14. An mga ginonong nombramyento an Mina-aktwar na Presidente kaipuhan padagos na maging epektibo, apwera kun halean nin saysay an elehidong Presidente sa laog nin nobentang aldaw magpoon sa pagkapot o pagkapot giraray kan pwesto.
