An mga pensyon o gratwiti kaipuhan dai ipamugtak na dagdag, doble o indirektong kompensasyon.
Seksyon 1. (1) Kaipuhan magkaigwa nin sarong Komisyon sa Eleksyon na kumpleto nin sarong Tagapamayo asin anom na Komisyunado na kaipuhan tubong-aking syudadano kan Pilipinas asin, sa
panahon kan sinda nombraran, treinta'y singko anyos an edad asin igwa nin natapos na titulo sa kolehyo, asin dai man lamang naging kandidato sa anuman na elehidong posisyon sa nakalihis na eleksyon. Siring man, an moyorya kaini, kairiba an Tagapamayo, kaipuhan mga myembro kan Philippine Bar, na nagpraktis bilang abogado sa laog nin sampolong taon.
(2) An Tagapamayo asin an mga Komisyunado kaipuhan nombraran kan Presidente sa pag-oyon kan Komisyon sa Nombramyento sa laog nin pitong taon na dai na pwedeng nombraran giraray. Sa mga Komisyunado na primerong nanombraran, tolong Myembro an makapot nin pwesto sa laog nin pitong taon, dwang Myembro sa limang taon, asin an huring mga Myembro sa tolong taon, na dai nin nombramyento giraray. An pagnombrar sa anuman na bakante kaipuhan sana sa dai natapos na pagseserbisyo kan sasalihan. Maski noarin dai dapat nombraran o idesignar an siisay man na Myembro sa temporaryo o nanunungod na kapasidad.
Sek. 2. An Komisyon sa Eleksyon kaipuhan magkaigwa nin mga
minasunod na poder asin obligasyon:
1. Magpasunod asin mamahala kan gabos na ley na igwang relasyon sa pagtao nin eleksyon, plebesito, inisyatibo, reperendum, asin recall.
2. Gibuhon an iksklusibong orihinal na hurisdiskyon manungod sa eleksyon, resulta, asin kwalipikasyon kan gabos na elegidong opisyal sa rehyon, sa probinsya asin syudad, asin hurisdiksyon sa pag-apelar kan gabos na mga iriwal na kasale an mga elehidong opisyal kan banwa na pigdesisyunan kan mga korte kan heneral sa hurisdiksyon, o manungod sa elehidong opisyales kan baranggay na pigdesisyunan kan mga korte na limitado an hurisdiksyon.
An mga desisyon, mga huring orden, o mga desisyon kan
