sagkod mapadusahan an gabos na porma kan mararaot na gibo sa
eleksyon, asin mga nakakaribong na mga kandidato.
(8) Magrekomendar sa Presidente kan paghale sa kiisay man na opisyal o emplyado na sinugo kaini o an pagtatao nin anuman na iba pang disiplinaryong aksyon, dahelan sa dai-pagsunod o dai pakikilabot, o pagsuway sa mga direktiba, orden o desisyon.
(9) Magsumitir sa Presidente asin sa Kongreso nin komprehensibong report manungod sa palakaw kan kada eleksyon, plebesito, inisyatibo, reperendum, o recall.
Sek. 3. An Komisyon sa Eleksyon pwedeng magdesisyon en banc sa dwang dibisyon, asin dapat magpromulgar nin reglamento kan paagi tanganing mapadali an pagdedesisyon sa mga kaso sa eleksyon kairiba an mga iriwal antes iproklamar an nanggana. An gabos na siring na mga kaso sa eleksyon dapat dangogon asin disisyunan sa dibisyon, sa kondisyon na an mga mosyon sa rekonsiderasyon kan mga desisyon kaipuhan desisyunan kan Komisyon en banc.
Sek. 4. An pag-utob o paggamit kan gabos na mga prankisa o permit para sa palakaw kan transportasyon asin iba pang mga kagamitan pampubliko, midya kan komunikasyon o impormasyon, gabos na itinao, mga espesyal na pribilehyo, o konsesyon na itinago kan Gobyerno o anuman na parte, sanga, o instrumentalidad kaito, kairiba an arinman na korporasyon na sadiri o kontrolado kan gobyerno, pwedeng pamahalaan asin aregluhon kan Komisyon sa panahon nin Eleksyon. Katuyuhan kan siring na pamamahala asin pagareglo na maseguro an pantay na oportunidad, panahon, espasyo, asin diretsong pagsimbag, kairiba na an rasonable asin pantay na singil para duman sa mga kampanya asin porum sa pagtao nin impormasyon sa publiko kan mga kandidato sa katuyuhan na maseguro an libre, marahay, malinig, matoninong asin tutubudon na eleksyon.
Sek. 5. An arinman na patawad, amnestya, parole, o suspensyon kan kapadusahan sa dai pag-otob kan mga ley, reglamento, asin regulasyon kan Eleksyon dai dapat na itao kan Presidente na dai nin pag-oyon an Komisyon.
Sek. 6. Kaipuhan tugutan na mamukad an sarong libre asin hayag na sistemang partido susug sa libreng pagpili kan mga tawo, na mapairarom sana sa mga probisyon kan Artikulong ini.
Sek. 7. Dai kaipuhan maging balido an anuman na boto para sa
