paggibo nin enot na mga kaipuhan, marhay na salud, asin iba pang mga
serbisyo soyal na kayang bakalon kan gabos na tao. Kaipuhan magkaigwang
prayoridad para sa mga kaipuhan kan daing mga sukat na naghehelang,
mga gurang, mga biyade, mga babae, asin an ilong lubos na
mga aki. Kaipuhan man hingwahon kan Estado na matawan nin asistensya
medikal an mga alabado.
Sek. 12. An Estado kaipuhan magestablisar asin magmantenir nin epektibong sistema sa pag-administrar kan pagkakan sagkod bulong (food and drug regulatory) asin maggibo nin hustong pagpauswag kan manpower sa salud asin sa pagsiyasat (appropriate health manpower development and research), na masimbag sa mga pangangaipo kan salud asin mga problema.
Sek. 13. An Estado kaipuhan mag-establisar nin espesyal na ahensya para sa mga inbalido, sa saindang rehabilitasyon, pagpauswag sa sadiri, asin pagtiwala sa sadiring kakayahan, asin para sa pakikisumaro ninda sa bilog na sosyedad.
Sek. 14. An Estado kaipuhan tawan nin proteksyon an kababaihan sa pagtao nin libre asin marhay na kondisyon sa pagtrabaho, na ikonsiderar an saindang kamugtakan sagkod mga oportunidad na makapakarhay kan saindang kapakanan asin makua an hustong potensyal sa pagserbisyo sa nasyon.
Sek. 15. An Estado kaipuhan respetaran an partisipasyon kan mga independyenteng organisasyon kan mga tao tanganing makua asin maataman, sa laog kan prinsipyong demokrasya, an saindang lehitimo asin kolektibong intereses sagkod mga kamawotan sa matoninong na paagi asin segun sa ley. An organisasyon nin mga tao, bona fideng asosasyon kan mga syudadano na nagpapaheling nin kapasidad sa pagpauswag kan interese publiko sagkod midbid na liderato, pag-iriba asin istraktura.
Sek. 16. An diretso kan namamanwa sagkod kan saindang mga
