na nakakatindog sa sadiri asin independyente na epektibong nagkokontrol sa mga Pilipino.
Sek. 20. Minimidbid kan Estado an napaka-importanteng katongsan kan pribadong sektor, pinakukusog an pribadong negosyo, asin nagtatao nin mga insentibo sa kinakaipuhan na pangangapital.
Seks. 21. Kaipuhan manteneron kan Estado an komprehensibong pagpapaoswag kan nasyon asin repormang agraryan.
Sek. 22. Minimidbid asin minamantener kan Estado an mga diretso kan mga natural na komunidad sa laog kan plano kan nasyonal na pagkakasararo asin pag-oswag.
Sek. 23. Kaipuhan pakusugon kan Estado an mga organisasyon na bagong panggogobyerno, nasa komunidad, o sektoral na organisasyon na nagmamantener kan ikararahay kan nasyon.
Sek. 24. Minimidbid kan Estado an napakaimportanteng katongdan kan komunikasyon asin impormasyon sa pagpapaoswag kan nasyon.
Sek. 25. Kaipuhan siguraduhon kan Estado an awtonomya kan mga lokal na gobyerno.
Sek. 26. Kaipuhan siguruhon kan Estado an pantay na patao nin mga oportunidad para sa serbisyo publiko, asin ipinangangalad sa mga dinastiyang politikal segun sa pwedeng sabihon kan ley.
Sek. 27. Kaipuhan na manteneron kan Estado an pagiging sincero asin an integridad sa serbisyo publiko asin gumibo nin positibo asin epektibong mga paagi kontra sa graft and corruption.
Sek. 28. Susog sa rasonableng mga kondisyon na itinatao kan ley, inaako asin ipinapasunod kan Estado an palakaw na biyong pagbuyagyag kan gabos na mga transaksyon kaini na nakakagan kan interes publiko.
TINIPON NA MGA DIRETSO
Seksyon 1. Daing tawo an kaipuhan halean nin buhay, libertad,
