programa kan mga kaipuhan asin aplikadong pagsiyasat siyentipiko.
An mga iskolarsyip, grants-in-aids, o iba pang mga paagi nin insentibo
kaipuhan itao sa mga dapat na tawan na mga estudyante sa siyensya,
mga parasiyasat, mga siyentipiko, mga imbentor, mga teknolodyist,
asin mga estudyanteng igwang espesyal-na-talento.
Sek. 12. An Estado kaipuhan ipagamit an pagtransper asin pagpromot kan mga teknolohya sa gabos na rekursos para sa benepisyong nasyonal. Kaipuhan enganyaron an pinakadakul na paartisipasyon kan mga pribadong grupo, gobyerno lokal, asin mga organisasyon hale sa komunidad sa pagpaandar asin paggamit kan siyensya asin teknolohiya.
Sek. 13. An Estado kaipuhan tawan proteksyon asin seguridad an eksklusibong diretso kan mga siyentipiko, mga imbentor, mga artista, asin iba pang mga syudadanong igwang talento sa saindang mga pagsadiring intelektwal asin mga ginibuhan, partikularmente kun igwang makukuang benepisyo an mga tao, sa laog kan panahon na itatao kan ley.
Sek. 14. An Estado kaipuhan gibuhon an pagpreserbar, pagpayaman, asin dinamikong ebolusyon kan kulturang nasyonal kan Pilipino segun sa prinsipyo nin unidad sa pagkaborolag sa irarom kan klima nin libreng artistiko asin ekspresyong intelektwal.
Sek. 15. An mga arte asin mga literatura kaipuhan magkaigwa nin patronahe kan Estado. An Estado kaipuhan ikonserbar, ipasar, asin papopularon an tradisyon na historikal asin kultural, asin an mga rekursos, sagkod an mga artistikong ginibuhan.
Sek. 16. An gabos na artistiko asin historikong kayamanan kan nasyon iyo an kompwesto kan kayamanan kultural kan nasyon asin kaipuhan nasa irarom nin proteksyon kan Estado na iyo an matao nin reglamento sa pagdistribwier kaini.
Sek. 17. An Estado kaipuhan midbidon, irespeto, asin tawan proteksyon an mga diretso kan mga lokal na komunidad kultural tanganing mapreserbar asin mapauswag an saindang mga kultura, mga tradisyon, asin mga institusyon. Kaipuhan konsideraron an mga diretsong
