(2) An Estado kaipuhan pakusogon an ispiritong pagkamoot sa
banwa asin nasyonalistikong pagkamuklat sa militarya, asin pagrespetar sa mga diretso kan banwa sa paggibo kan saindang trabaho.
(3) An propesyonalismo sa pwersa armada asin an hustong suweldo asin benepisyo kan mga myembro kaini kaipuhan iyo an enot na aserkasuhon kan Estado. An pwersa armada kaipuhan dai mag-entra sa mga partidong pulitika.
Daing myembro kan militar an pwedeng mag-entra direktamente o indirektamente sa arin man na aktibidades nin partidong pulitikal, apwera sa pagboto.
(4) Daing myembro kan pwersa armada na nasa akbitong serbisyo an kaipuhan, sa ano man na oras, manombraran o madesignar sa ano man na kapasidad na posisyon sibil sagkod sa mga korporasyon na sadiri o kontrolado nin Gobyerno o arin man na ahensya kaini.
(5) An ley sa pagretiro kan mga militaryong opisyal kaipuhan dai tugutan an pag-ekstender kan saindang serbisyo.
(6) An mga opisyal asin mga myembro kan pwersang regular kan pwersa armada kaipuhan proporsyonadong rekruton sa gabos na mga probinsya asin sa mga syudad kun mapupwede.
(7) An torno kan pagtrabaho kan Hepe nin mga Tauhan kan pwersa armada kaipuhan dai masobra sa tolong taon. Siring man, sa panahon nin gera o iba pang emerhensya nasyonal na pigdeklarar kan Kongreso, an Presidente pwedeng ekstenderon an nasabing torno.
Sek. 6. An Estado kaipuhan establisaron asin manteniron an sarong pwersa nin pulis, na kaipuhan nasyonal an sakop asin sibilyan sa karakter, sa administrasyon asin kontrol nin sarong Komisyon sa Pulis Nasyonal (National Police Commission).
Sek. 7. An Estado kaipuhan magtao nin antemano asin hustong pag-ataman, mga benepisyo, asin iba pang klase nin asistensya sa mga beterano kan gera asin mga beterano sa mga kampanyang militar, para sa saindang nabayaan na mga agom asin mga aki. An mga pondo kaipuhan itao asin ikonsiderar an pagtao sainda nin mga dagang pang-agrikultural sa mga dagang sadiri nin banwa asin, sa karapatdapat na mga
