o sadiri na bako sa paagi kan ley o kaipuhan halean nin parehong proteksyon kan ley.
Sek. 2. An diretso kan syudadano na magkaigwa nin seguridad sa saindang pagkatawo, pagrugaring, papeles, asin gamit kontra sa bakong rasonableng pagrerekisa asin pagkumpiskar sa anumang katuyuhan dai pwedeng kontrahon, asin dai kaipuhan magpirma nin warrant sa pagrekisa o mandamyento de aresto apuwera kun igwa nin malinaw na dahelan na personal na pagdedesisyunan kan hwes matapos maimbestigaran an nagdemanda asin an mga testigong iaatubang niya sa irarom kan panunumpa o apirmasyon, asin an partikular na sinasabi an lugar na rerekisahon, asin an mga tawong dadakupon o mga bagay na kukumpiskaron.
Sek. 3. (1) Dai kaipuhan kontrahon an pagiging sekreto kan komunikasyon asin korespondensya apuwera sa legal na orden kan korte, o kun hinahagad an seguridad o orden kan nasyon segun sa itinatao kan ley.
- (2) Dai kaipuhan akoon para sa anuman na katuyuhan sa arinman na paagi sa pagbibisita an anuman na ebidensya na nakua na kontra kaini o sa sinusundan na seksyon.
Sek. 4. Daing ley na ipapasar na mapugol sa libreng pagtaram sa pagpapahayag o sa pamahayagan, o sa diretso kan syudadano sa matoninong na pagtiripon asin magpetisyon sa gobyerno para maresolberan an saindang mga agrangay.
Sek. 5. Daing ley na gigibuhon na matugot sa pagpundar nin relihyon, nagpupugol nin libreng paggamit kaini. Kaipuhan na tugutan nanggad an libreng paggamit asin pagsamba na dai nin diskriminasyon o preprerensya. Dai kaipuhan an iksamen na panrelihiyon sa paggamit kan mga diretsong sibil o pulitikal.
Sek. 6. Dai kaipuhan pugulon an libertad sa pag-estar asin an pagbalyo kan estaran na sakop kan mga itinao kan ley apwera sa legal na orden kan korte. O dai pwedeng pugulon an diretso sa pagbibiyahe apwera kun sa karahayan kan seguridad kan nasyon, kaligtasan kan publiko, o salud kan publiko, na pwedeng itao kan ley.
Sek. 7. An diretso kan syudadano sa impormasyon manungod sa publiko kaipuhan midbiron. An pag-aram sa mga opisyal na rekord, asin mga dokumento, asin mga papeles manungod sa mga opisyal na gibo, transaksyon o desisyon pati na an mga datos sa pag-imbestigar
