singko anyos pakatapos kan ratipikasyon na dapat sumunod sa gradwadong paagi asin sa baseng proporsyonal sa minimum na pagsadiring
Pilipino na kaipuhan digdi.
Sek. 24. An mga pribadong army asin an ibang grupong armado na bakong rekonosido kan awtoridad kaipuhan gabaon. Gabos na paramilitaryang pwersa, sagkod an Civilian Home Defense Forces (CDHF) na bakong konsistent sa puwersa armadang syudadano na inistablisar kan Konstitusyon, kaipuhan disolbaron, o kun pwede, ibalyo sa pwersang regular.
Sek. 25. Pakalapwas kan Kasunduan sa 1991 kan Republika nin Pilipinas asin kan Estados Unidos kan Amerika manungod sa mga Base Militar, mga base nin mga estranghero, mga tropa o pasilidades kaipuhan dai pagtugutan sa Pilipinas apwera kun pinaagi sa irarom nin sarong kontrata na inaprobaran kan Senado asin, kun an Kongreso nagboboot, ratipikado nin mayoryang boto kan mga banwa sa sarong reperendum nasyonal na ginibo para sa siring na obheto, asin rekonosidong kontrata kan ikaduwang Estadong kakontrata.
Sek. 26. An awtoridad sa pagpaluwas nin sekwestrasyon o kapag- bootan sa pagpugol sa irarom kan Proklamasyon No. 3 kan Marso 25, 1986 na igwang relasyon para sa pagbabawi kan mga kayamanan na nakua sa paaging maraot, kaipuhan ipagpadagos an operasyon na dai malapwas sa dies y otsong bulan pakatapos kan ratipikasyon kaining Konstitusyon. Siring man, para sa interes nasyonal, na sertipikado kan Presidente, pwedeng iekstender kan Kongreso an nasabing panahon.
An sekwestrasyon o orden sa pagpugol kaipuhan itao sana pakapaheling nin sarong kasong prima facie. An orden asin an listahan kan mga nasekwester o napugol na mga propyedad kaipuhan, pakatapos kaini, iparehistro sa tamang korte. Sa mga orden na itinao antes kan ratipikasyon kaining Konstitusyon, an kaparehong aksyon hudisyal o prosedimyento kaipuhan isangat sa laog nin anom na bulan magpoon kan ini mapirmahan. Duman sa itinao pakalapwas kan ratipikasyon, an aksyon hudisyal o prosedimyento kaipuhan pu'nan sa laog nin anom na bulan pakata'wan kaini.
An sekwestrasyon o orden sa pagpugol pwedeng sabihon na awto- matikong itinaas kun daing aksyon hudisyal o prosedimyento na piggi- bo segun sa ipinagboboot digdi.
