Con dai macúa agom na padağnat,
ó mağna guinahà nin mağna cag-anac,
sa calipuğnauan panaling mahognac,
baga sa inabtan helang na magabat.
Sa cosog nin voces pagparacurahao
na daing pag-odong, napaas na lamang:
namótan cong aquí na pinacamahal,
pahiling na baya sa simong magurang.
Con ica gadan na guinahang padağnat,
pagtaong malicia sa pobreng cag-anac,
anino man lamang nin saimong hauac,
pahilgnan sacuyâ caning mağna horas.
Nin huli caini naabtan na lamang,
condi nacucua aquing caibahan;
dahelan sa tacot magsosog sa dalan,
maglologologo sa calipuğnauan.
Paghalè mi, gnaya, sa samuyang harong,
nagcarocarabit mağna aqui, agom:
pag-abta sa dalan can macuring diclom,
nagcasuruhay na can binorobongdol.
Olay man can iba: con dağnan aram co
na macacasuhay sacó si agom co;
dai co binotsan can pagcasacolo,
na minsan aboton can oson nin abó.
Marahay pa gayod, na cami nagdamay,
na nagduğnan sana guinhaua maotsan;
dai na cutâna nagtitios ğnonian
nin dai masabi na calipuğnauan.
Sa pagrağna naman nin mağna amigo,
na dai abotan nin sarong desmayo:
hari, ğnaya, ğnóna, casaquit na gayo,
ta dai pa aram con buhay, con ano.
Madia ca, tugang co, cabit sa sacuya
na magliğnaliğna can labing horasâ,
