asin pahiuasa simong honahona,
canogon can simong nasayang na luhá.
Condi ano ğnaya, ica co ibanhon
lomiuanag sana na dai nang diclom,
asin hanapon ta namótan mong agom
sagcod sa aqui co solterong hagbayon.
Ipagpadigdi co can banguing deshoras,
dai nin pagdangan bilog na magdamlag;
daog pang nabagbag sa lauod nin dagat
can labing pagtios magna tauong dulag.
Can Jueves na idto bilog na maghapon,
mağna cadicloman garong cabanguihon;
con caya balaquid magna nariribong
sa pagdulag ninda baybay na inoson.
An iba-iba pa na modong pagdulag
can taga-Legaspi sacong italastas;
à fuera caidtong dai co siasat,
alagnan na gayo icapagpahayag.
Si nagnagnabayo dai co macuenta
na con pirang polò cabayong may carga;
ta sa sarong hayop magna apat, lima
aqui ta magurang, pasiring sa banua.
Igua sa pababa, iguang sa carreton
mağna mag-araquí asin mag-aragom,
gurâno man gayod mağna pagcatagom,
damulag nalocso sa cosog nin pacol.
An iba sainda nağnagsasaracay
na masqui bacó niang sadiring sacayan,
malonad na sana macadulag lamang
sa cosog nin oson na nagdadağnadang.
Ta mala pa gnani nangyari caidto
sa sarong principal iyo si D. Bruno,
si tinagorhaman na sarong baloto,
nauará na basang con baga napáno.
