nacacapalomoy matagas na puso
nin tauong dara pa can init nin dugo.
Sa cosog nin tanog ó quinadalcadal
qui Mayong na buquid na daing pagdangan,
an magna harani na magna banuaan,
garong linilinog magna caharoğnan.
Sa liniab-líab cosog nin calayo
can aldao na Viernes fecha veinticinco;
matagas na puso siring sa acero,
nalomoy na bio na siring sa taro.
Orog na nin si pag-aro-arabay
can linti, quiquilat sagcod balalagnao;
nagsasabodsabod sa poro nin Volcan
can pagtuturauis abó asin baybay.
Casabay man sana an macuring tanog,
magna inagonghong asin horoghodog;
gapong naglaláad pagtugpa, mapotoc,
daog pa an cañon magna inagobheb.
O macagniğnirhat gnaning cabağnisan!
pahiling nin lagnit sa taga quinaban;
si isay na Juez panong caisogan
an macacabaing sa capangyarihan?
Isay na madonong an macaca-aguid,
na macacapantay sa cosog ó bagsic.
can capangyarihan nin Dios sa lagnit.
con sia may angot sa tauong marupit?
An camagurağnan nağnag-oorolay,
nagtuga man, gnaya, caidto an Volcan,
di arog nanggayod can pagtuga gnonian,
elementong gabos nag-aro-arahay.
Na baga man, gnani, sa enot na tiempo.
nag-oran nin gapó; baretá caidto,
pero dai mayó magna elemento
nagnagsorocsoroc sa dampog nin abó.
