99
padi, matarao sinda nin duwang pisos (P2.00) sa lam- bang sarong ipapamisa ninda, asin pakatapus mabakal sinda kan bula (201) nin mga gadan, na sangkap nin mga indulgencia. Makakasabi ako na an Justicia nin Dios bakong labilabi kamahigpit ki kan sa tawo (202).
Alagad an dukha, an ipo, na pahanga nganing ma- katamo asin sa kapiritan makabagsak sa mga director- cillo, mga escribiente asin mga soldados, mga pacillo ta- nganing pabayaan syang mabihay na matiwasay, iyan dai matotorog sa katiwasayan na pinagsasabi kan mga tagapagawit sa palacio nin mga hadé, an mga mang- aawit na ini, sakalé, dai nagpakatantan kan hinorohap- rés kan ngaran na pagtios. Mamondé asin baga namo- mongnan an dukha. Kan bangging ito, nangadyé man sya nin kadikit, namibi sya nin makuri dara sa puso an mga sakit asin sa mata an mga luha. Mayé sya nin mga novena, dai tatao kan mga pamibing gotos, siring man kan mga versos, dai man nin pagaram kan mga oremus na tinogdas kan mga fraile huli sa mga daing rogaring na kaisipan; dai man sya nin pakasdbot kan mga ito. Nangangadyé sa tataramon kan saiyang mga pagtios; nagtatangis an saiyang kalag huli saiya asin huli man sa mga gadan na an saiyang karahayan iyo an pagka- moot kan mga ito. Su saiyang ngosé nakakapaghilwas nin mga pataratara, alagad an saiyang isip minakura- haw nin mga hinanakit asin minabuyagyag nin mga inagrangay. Mamongayahan (203) daw kamo, ika na nagomaw sa kadukhaan, asin kamo man, mga aninong pinasakitan kan masipag (204) na pamibi nin dukha na ipinamimibi sa atubangan nin sarong ladawan na bakong marhay na pagkalongat sa liwanag kan tim- sim okun, sakalé, nagmamawot kamo nin mga kandila sa atubangan nin mga Cristong nagdudurog6, nin mga Virgen na saradit an ngoso asin bubog an mga mata, an mga misa sa latin na baga makinang naghihilwas an padi? Asin ika, Katinubdan, na ibinabalangibog huli sa Kasangtawohan (205), nalingawan mo na an kasogoan na rangahon an pinasasakitan sa saiyang mga pagtios asin pahababaon an mga makapangyarihan sa saindang mga pagabhaw, daing ibang saimo ngunyan kundi mga kapanugaan sa mga mayaman, sa mga ma- kakabayad saimo?
