sakuya ... Magtiwasay ka aki ko: orog pa akong
daing palad ki saimo asin dai ako nagtatangis!
Mangyayaring magkaigwa nin lalong marhay na katipan
alagad ako limang pdlong ribong pisos an madadai sakuya!
Ay, Virgen de Antipolo, kun magkapalad lamang ako
ngunyan na banggi!”
Mga porokpotok ligid nin mga coche, dalagan nin mga kabayo, musica na nagtotogtog kan Marcha Real nangagbantulin kan pagdatong kan Saiyang Kahalangkawan, an Gobernador General kan Kaporoan nin Filipinas. Si Maria Clara dominalagan sa pagtago sa saiyang lambanan (416)... makautgay na daraga! an saimong puso pinagkakawatan an saimong puso nin magagaspang sa mga kamot na daing pakatalastas kan mga matatapang mga sabot kaiyan.
Alintanang napapano nin katawohan su harong asin saén man nagdadaging an mga makokosog na linakaw, mga tingog nin pagboot, sinaragantik nin mga sable asin nin mga espuelas, su daraga na tagob nin horasa, naglolohod sa tahaw sa atibang nin sarong estampa kan Mahal na Virgen, sa siring na itong pagkamugtak nin pagsaro-saro na daing ibang nakamaté kundi si Delaroche (417), na baga saiyang nasompongan paghalé sa linobngan kan saiyang aki. Dai nasaisip ni Maria Clara an mga sakit kan ina na ito, iyong pinagroromdom su saiyang rogaring na sakit. Horohod su payo sa daghan asin su kamot nadodoon sa daga, nakakaagid sa sarong poon nin azucena na tiniklop kan barongbarong. !Sarong omaaboton na pinangatoroganan asin pinaghorohapros sa halawig na mga taon na an mga pananawotawo, na namondag sa pagkaaki asin nagtalubo sa pagkabagong-tawo, minaladawan sa saiyang pagkatawo, boot niyang paraon ngunyan, nin saro sanang kataga nin isip asin nin puso! Mahalaga sa pagpogol kan kintitad kan saro, asin halean an saro, kan liwanag kaiyan!
Si Maria Clara marahayon asin orog kabanal na cristiana siring man aking mamoton. Bako sanang nangirhat siya kan excomunion an pagboot asin an nanganganib na kamoninongan kan saiyang ama naghahagad saiya ngunyan na iatang niya an saiyang mga pagkamoot. Namatean niya an bilog na kosog kan pagmahal na ito na dai niya lamang pinaghohona. Sarong salog kaito na moninong su pagbolos; mga
