raning na banwaan; torotiripon sa mga pangkat,
nagoorolayolay o nagpapasurthay. Iritoon man su gabos
na mga fraile, maliban lamang ki Padre Damaso, asin
boot na rumalaog sa pagpahayag kan saindang kagalangan
sa Saiyang Kahalangkawan.
“An Saiyang Kahalangkawan an Capitan General nakikimahérak sa Saindong Pagkaigagalang na magtaodtaod kamo nin diit na horas,” an sabi kan ayudante; “!dagos, tabi, hagbayon!”’
An manilan-on na ito na pinagsasalbog an griego asin an tagalog lominaog sa bidang malungsi asin tinatakigan.
Nangagtaka su kagabsan; garong kanigtian na dagit kan Saiyang Kahalangkawan na nangahds na papaghalaton su mga fraile. Nagsabi si Padre Sibyla;
“Dai ako nin and man na sasabihon saiya... digdi nagsasayang ako nin panahon!”
“Iyo man an sakong sabi,” an digang nin sarong agustino; “maduman na kita.
“Bako daw na lalong marhay na satong siyasaton kun anong saiyang iniisip?” an hapot ni Padre Salvi;
“makakalikay kita sa escandalo... asin... ikakapagiromdom ta saiya... an saiyang mga katongdan dapit sa....Katinubdan...”
“An saindong Pagka-mga Igagalang magpapakalaog kun saindong mumuyahon!” an sabi kan ayudante na ihinatod su hagbayon na dai nakakasdbot kan griego, na ngunyan nagluwas na su pandok nagsasaga sa kamongayahan.
Si Fray Sybila an énot na lominaog; sa huri si Padre Salvi, si Padre Manuel Martin asin su iba pang mga religioso. Makumbabang nagtaraong gdlang maliban ki Padre Sybila na nagingat sagkod sa pagkadoko nin halangkaw na pagkamugtak; ta tumang kaini si Padre Salvi na haros matiplok su iksan.
“Siisay sa saindong mga Pagkaigagalang si Padre Damaso?” panaleng naghapot su Saiyang Kahalangkawan na dai an mga ito pinaturukaw, dai man pinangoromostahan, dai man sinarabihan nin mga mapaglangis na mga kataga nin tataramon na pinagtotodan nin siring kaharalangkaw na mga personaje.
“Dai mi po kaiba si Padre Damaso!” nagsimbag si Padre Sybila haros sa siring mansanang tingog.
