mong palakaw sa pagisip bakong sa bansang iniho.
Pabakalan an gabos mong mga sorosadiri; andama an
saimong maleta asin omiba ka sakuya sa Europa: angay
na gayo saimo an clima duman.”
“!An giromdom kan pagkamarahayon kan Saimong Kahalangkawan, iingatan ko sagkod na ako nabubuhay pa!” an simbag ni Ibarra na naroroyogto; “alagad kaipuhan akong magontok sa banwaan na nabuhayan kan sakong mga magurang..."
“!Na saindang nagadanan, an talagang sasabihon mo! Maniwala ka sakuya, sakalé midbid ko an saimong bansa nin orog pa saimo mansana... Ah, ngunyan nagiromdoman ko,” an sabi na nagliwat nin tingog,
“ikakasal ka sa sarong igagalang na daraga, asin napopogolan ko ika digdi! Paduman, paduman sa saiyang kataid asin tanganing makahiwas nanggad kamo padigdiha su ama” an sabi pa na nanakahoyom. “Alagad dai mo malingawan na muya kong ibanhan mo ako sa paglakawlakaw.”
Dominoko si Ibarra asin hominalé.
Inapod kan, Saiyang Kahalangkawan su saiyang kagawad.
“!Nasesenangan (436) ako!” an sabi na tinapi-tapi ito (437) sa abaga; “nguyan ko pa sana nakita kun paano an pagkani marhay na kastila na dai mahalé an pagkamarhay na filipino asin mamoot sa saiyang banwaan; ngunyan ipinahiling ko katapustapusi sa mga igagalang bako kita gabos saindang kawatan; tinamo sako kan hagbayon na ini su bahigay asin nasingil ko na su mga pautang ko sa fraile! Alagad kanogon pa na an hagbayon na ini noodma, nosaro... alagad apoda su Alcalde!”
Ini ominatubang tolos mansana.
“Ginoong Alcalde,” sinabihan ini paglaog “tanganing malikayan an pagkaulit nin mga pangyayari, na siring kan nakita ngunyan na odto kan Saimong Kapangyarihan, mga pangyayari na sakong ikinamomondo huli ta nakakaraot kan dangog kan Pamahalaan asin kan gabos na mga kastila, itinotogon kong gayo saimo si Ginoong Ibarra, tanganing itamo mo kan mga kaipuhan sa pagotob kan mga kaipuhan sa saiyang mga makibanwaan na mga mokna, kundi likayan mo man na sa mga masunod pagsaringgawan sya nin minsan anong tawoha asin sa iradrom nin ano man na pada-
