tatá asin su maogmang tingog si Sinang homininghing
sa lohó kan cerradura:
“Crisóstomo, maduman kami sa teatro ngunyan na banggi; isurat mo an saímong sasabihon ki Maria Clara.’
Asin su mga linakaw hominararayó giráray, marikás siring kan pagkáabot. .
“Anong boot sabihon kaini?” an sabi sa hababang
tingog na baga may iniisip si Ibarra.
AN PROCESION
Pagkabanggi asin kan magkairilawan na su gabós na mga farol sa mga dungawan, ilinuwas su procesión, asin ta ikaapat nang luwas iniho, sa repique nin mga campana asin sa sinambit nang mga porokpótok.
Su Capitán General, na lominuwás naglakaw sana kairibahan su duwa kan saíyang mga kagawad, si Capitan Tiago, su Alcalde, su alférez asin si Ibarra, sa enotan su mga may kapangyarihan na nagbubukas nin agihán (440) asin pinagpapahiwasan su lansangan, inanyayahan na magtanaw kan procesion sa harong kan Gobernadorcillo, na nagpatindog sa kahampang nin sarong entablado, na hihilwasán nin sarong rawitdáwit sa pagómaw sa mahal na Santong Pintakasi.
Masayuma sa rogáring na boot si Ibarra sa paghinanyog kan tula na iniho asin pagmamarhayón nya kuta na magtanaw kan procesion sa harong ni Capitan Tiago, saén nawalat si María Clara asin su saiyang mga amiga, kundi naranga na lamang sya sa pagromdom na makikita nya sya (1-a) sa teatro.
Pinamamayohan su procesión nin mga ciriales na pirak, dara nin tolong sacristan na may mga guantes; kasurunod su mga eskuwela, kaiba kan paratokdó; dangan su mga aki na may mga farol na manlaenlaen su pagkagibo asin manibaiba su kiray, na nagkakatorogod sa kawayan o bakó, asin nagkakasaramnohan sunod sa pinagmamarhay kan aki, tara an pangliwanag (2-a) na ini gasto kan mga aki sa mga barrio. Mga maorogma sindang nangagotob kan katongdan na iniho, na ibinugtak kan matandá sa nayon; lambang saro minaisip asin minagibo. kan saíyang farol, sina-
