kun gayod hidyaw (7-a), kun minsan mapula, nogayod
bughaw asin iba pa. Sa mga harong dai nangagpoon
nin pagirilaw kundi kan pagkaagi ni San Francisco:
si San Juan Bautista dai kan mga dangog na ini, asin
hidalé su lakaw, ta sopog na sya sana an namausang
anit su guibing sa tahaw nin siring na mga tawo na
nagkakaparatos nin bulawan. asin mahalagang mga gapo.
“!Hoyan su samuyang santa!” an sabi kan aki kan gobernadorcillo sa saindang mga pananawhon; “pinasubli ko sya kan sakong mga singsing, alagad tanganing makamtan ko an langit.”
Su mga nagiirilaw nagpangontok sa tongod kan entablado sa paghinanyog kan awit nin kaomawan, siring man an ginibo kan mga santo: an mga ito o su mga nagborolig sainda mga muyang maghirinanyog nin mga rawitdawit. Su mga nagdadara ki San Juan, paragal na sa kahahalat, nagkaoroyon na ibugtak sya sa daga.
“Mariribok su alguacil,” an sabi kan saro.
“!Sus! nawalat sya sa kristiya sa sarong gilid sa tahaw nin mga lapat!”’
Asin si San Juan, kan nasa daga na, nakaarog sa mga tawo sa banwaan.
Nasa enotan kan Magdalena su mga babaye, an kalaenan lamang iyo ta bakong su mga aking babaye an mga nangengenotan, siring kan sa mga lalaki, kundi su mga gurang, kahurihurihi su mga daraga sagkod su carro kan Virgen, kasunod kaini su cura sa sirong kan saiyang pallo. An siring na kaugalean halé ki Padre Damaso na nagsabi: “Muya kan Virgen an mga daraga asin bakong an mga gurang,” bagay na nakapamalos kan lawog nin dakol na mga parapangadyé, alagad dai nakaliwat kan kamuyahan kan Virgen.
Kasunod kan Magdalena si San Diego, minsan garong dai kaito naogma, tara padagos syang malolot siring kasobagong-aga kan nakakasunod sya ki San Francisco. Pinagbobotong su saiyang carro nin anom na Hermanas Terceras inda kun anong saindang kapanugaan o kun anong hélang: an totoo iyo na saindang binobotong asin mga maigot. Tominonong si San Diego sa tongod kan entablado asin naghalat na taonggalangan.
Alagad kaipuhan halaton su carro kan Virgen na
