tawo.— Kadakol na man kan mga rueda na sinoroló,
mega castillo, mga toro, o mga damúlag na kalayo asin
sarong dakulang volcan, na nakalúpig sa kagayonan
asin sa kadakulaan sa arín man na sagkod kan panahón
na ito nakita kan mga nagoontok sa San Diego.
Ngunyan su mga tawo nagpasiriring biriyo sa plaza kan banwaan sa iyo na sanang pagdalan sa teatro. Digdi asin duman may nagkakakiritang mga luz de Bengala, na mga nakakabanggraw na gayo sa mga magayagayang pangkat; su mga barobata naggaramit nin mga karaba sa paghdnap sa maawot nin mga bomba na dai nagporotok asin iba pang mga tada-tad na mga sukat magkapakirinabangan, alagad pagtao nin tanda kan musica, su gabos nagpangharalé sa maawot.
Maliwanagon na marhay su dakuang entablado; su mga harigue nagkakaparilibotan nin riboribong mga flaw, na nagkakabiritay sa atop asin nagpapakabanggraw sa daga sa nangono-konong mga pangkat. An mga ilaw na iniho pinagmamarangno nin sarong alguacil asin kun pinaenotan sa paghusay kan mga iyan, sinisiwikan sya kan banwaan asin minakurahaw:—
“Iyo na, hoyan!”
Sa tangod kan escenario pinagbabaragay kan orquesta su mga instrumento, pinag-aaranonganong su mga totogtogon; sa likod kaini itoon su pook na pigsabi kan corresponsal sa saiyang strat. Su mga kapong-olan kan banwaan sa banwaan, su mga kastila asin su mga mayayaman na mga himanwa pasoronodsonod sa pagturikaw sa mga nagkakataraytay na mga silla. Su banwaan, mga tawong daing titulo asin mga mayong tratamiento, nasa mga natatada pang kabtang kan plaza; su iba may mga pasan na mga bangko, bakong gayong sa pagtikaw sa mga ito kundi tanganing hipnoan an kakulapusan sa pagkahalangkaw: ini ginigikanan nin maribok na protesta na gikan sa mga daing bangko, an mga ito minarulusad tolos, alagad madaleng minasarakat tolos siring sa baga daing ano man na nangyari.
Mga pagharalé asin mga pagdatong, mga kuráhaw, mga hagayhay, mga arak-atak, sarong siwalsíwal na buscapié, sarong reventador iyong nagpakadagdag kan kariribukan. Digdi sarong nabarían kan bitis asin nagkahorólog sa daga, sa mga arak-atak kan mga tawo, su mga nagduruman haralé sa harayo tangáning maghiriling, ngunyan lominuwas na iyo nang pinaghiríling;
