duman nagiriwal asin nagpaarágaw kán mamumugtakan; sa horoharayó nádangog an pinaragkay nin mga
copa asin mga botella na nagkaparasá: si, Andeng na
may darang mga palipot asin mga inomon; maingat niyang pinagdadara kan duwang kamot an sarong malapad na bandeja, alágad nasompongan su saiyang katipan na muyang pangurawahon itong kamugtakan...
Su teniente mayor, si Don Filipo, iyong namayo kan mga hilingon tara su gobernadorcillo may kamuyahan sa monte: Kaólay ni Don Filipo si gurang Tasio;
“Anong sakong maginibo?” an sabi; “habong akoon kan alcalde su sakong dimisión: “dai ka nakakamaté nin karigonan sa pakaotob kan saimong mga katongdan?” hinapot.
“Asin anong isinimbag mo saiya?”
“‘!Senor Alcalde!’ an sakong simbag; ‘an kosog nin sarong teniente mayor minsán anó kadaing halaga, nagpapakadrog kan sa may lubós na kapangyarihan, an mga iyán haralé sa haralangkaw na tompok. An mga kosog kan Hadé mansana mga gikan sa banwaan, asin an sa banwaan halé sa Dios. Dai nanggad ako kaini, Señor Alcalde’? — ‘“Alagad habó sakong magdangog su Alcalde asin sinabihan ako na pagolayan mi na sana an bagay na ini pakalihis kan pintakasi.”
“Kun siring tabangan ka man logod nin Dios!” an sabi kan gurang, asin boot na humalé.
“Habo kang maghiling kan paluwas?”
“!Salámat! sa pangatorogan asin sa paggibo nin kamalean igó na ako sanang saró,” an simbag kan filósofo na may kaibang andak; “alagad ngunyan nagigiromdoman ko, dai daw sagkod pa man inapod an saimong pangataman kan ugalé kan satong banwaan? Matiwasay, namumuya sa mga hilingon dapit sa labanan, mga iriwal na madugo; democrata, minasamba sa mga emperador, mga hadé asin mga princepe; mga daing galang sa katinubdan, naoobos an mga sorosadiri sa kagibohan kan culto; mahamis an ugalé kan satong mga babaye asin garong mga pinagkakaluwasan kun minapalabadlabad kan garod an sarong dayangdayang...aram mo an dahelán kaini? Tara...”
Napotol su olay-ólay kan pagdatong ni María Clara asin kan saiyang mga amiga. Pinataratara an mga ito ni Don Filipo asin ihinaratod sa saindang mga tukawán. Nakakasonod sa hurihan su cura may kaibang sarong
