saiyang mga mata an magayon na ladawan nin sarong
daraga, na natotorog asin naghahangos nin mahamis;
su alobaob nalilindongan nin pirok na haralaba, na
minabilog nin mga magagayon na pagkayuad, siring kan
mga Virgen ni Rafael; naghohoyomhoyom su sadit na
ngoso; an bilog na itong lawog naghahangos nin
kabinian, kalinigan asin pagkadaing-sala; An lawog na
ito sarong kalihat (26-a) sa tahaw kan maputing yamit
sa safyang higdaan, siring sa payo nin querubin
sa tahaw nin panganoron.
Su hobahoba (27-a) padagos na nakakakita nin iba pang mga bagay... alagad siisay an masurat kan ano man na pighohobahoba (28-a) nin sarong mainit na hotok?
Sakalé, su corresponsal kan pahayagan, na nagtatapus kan saiyang pagbabareta dapit sa pintakasi asin kan gabos na mga nangyayari sa siring na paagi:
“Riboribong salamat, daing sokol na kapasalamatan
sa tama asin bthay na pakilabot kan Kagalanggalang
na gayong Padre Bernardo Salvi na, sa saiyang
pagtalad sa gabos na pagalaman, sa tahaw kan naangot
na itong banwaan, sa tahaw kaitong dai napopogolan
na katawohan, daing kalo, daing sogkod, pinahobya su
kaangotan kan kadaklan, na an ginamit lamang su saiyang
mapagsadol na mga tataramon, su kadakulaan
asin kapangyarihan, na dai nagkukilang sa padi nin
sarong Katinubdan nin Katiwasayan. Su banal na
religioso, sa sarong daing kapantay na pagpainda sa
sadiri, pinabayaan su kagayagayahan nin pagkatorog na
pinakikinabangan nin gabos na mga marhay an katuhawan
(29-a) na siring kan saiya, sa paglikay na
mangyari sa saiyang ariponpon an sarong sadit na
kapahamakan. !An mga taga San Diego, daing duwaduwa, dai magpapakalingaw kan pagkahalangkaw kan
gawé kan saindang bayanihon na Pastor asin magpapasalamat saiya sa gabés na panahon!”
Sa kamugtakan kan isip ni Ibarra, dai mangyaring mangatorog sya; dahelan kaini, tanganing maaling su saiyang isip asin mapaharayo saiya an mga mamondong
