bangkó bakong didiit na gíbong ngangalasan... An
orog karahay magkasi padarahán nin limós an duwang
cruz, sa bágay na ini daing magmomotó-motó asin maoomayan tolos si María Clara... Marahay su mga lalamban? áram mo mádatong kaibahan kan mga doctor an
sarong bagong ginoo kadudugó pa ni Padre Dámaso;
kaipuhan na daing magkúlang na anó man."
Sa sarong sógod kan comedor itoon su duwang magpinsán, si Sinang kasi Victoria, na napadumán sa pagdámay sa naghehélang. Tinatabangan sinda ni Andeng sa paglínig nin tsarérang pírak.
"Midbid mo si Dr. Espadaña?" an may paghalagang hapot ki Victoria kan kasamá ni María Clara sa pagsoso.
"!Dai!" an simbag kan pinaghapot; "an iyoíyong naaraman ko saiya iyo na halangkaw maghágad: alinsúnod ki Capitán Tiago."
"Kun siring garong marayon!" an sabi ni Andeng; "su lominohó kan tulak ni Doña María mahal maghágad, kun kayá saró syang madónong."
"Mangmang!" an sabi ni Sínang, "bakong an gabós. na mahal maghágad madónong. Hilinga si Doctor Guevarra; kan dai makánood nin pagtuwang sa pagpaákí, na nakapotol kan payo kan omboy, hinagadan nin limang pólong pisos su balo... magsingil an saíyang naaraman."
"Anong maisihan mo?" an hapot saiya kan saíyang pinsán na kanayon sya sikbonga.
"Dai ko isi? Su saíyang agom na paralagadí nin káhoy, pakatapus na mawará su saíyang agom, nawará man kanayon su saíyang harong, huli ta su Alcalde na katóod kan doctor pinírit syang magbayad. . . Dai ko maaraman? Pinaútang sya kan sakong amá nin kuwarta sa pagpadumán sa Santa Cruz" (31-a).
Su gabós na mga olayólay natonong kan omontok sa atubangan kan harong an sarong lunadán.
Si Capitán Tiago, pigsusunod ni Tía Isabel, nagdadalagan na lominúsad sa hagyanan sa pagsabat sa mga bagong datong.—An mga ini iyo si Doctor Don Tiburcio de Espadana, su saíyang agom, na si Doctora Doña Victorina de los Reyes ni de Espadaña asin sarong hagbayon na kastilá na mabansay su panglawog asin mabansay su pamandok.
Sya nakagúbing nin bátang suklá, binordahán nin
