kan mga Kastila;-asin an marhay na dangog na ini dai saiya nakapagligtas sa mga pangangaipo.
Kan pagkapinoon nabubthay sya sa tabang nin nagkapirang mga kahimanwa, alagad nin huli ta si Tiburcio sarong tawong marhay an dangog, minaluwas saiyang mapait su tinapay, asin bakong nagtaba kundi nagniwang. Nin huli ta dai sya nin kadonongan, kuwarta asin mga pudihan, sinadol sya kan saiyang mga kahimanwa, tanganing magpakatalingkas saiya, na paduman sa mga lalawigan asin magsaginsagin doctor sa Medicina. Sa kapinonan nanuhay nguna su tawo, tara minsan ngani naglingkod sa Hospital ni San Carlos dai lamang nakanood mapadapit sa kadonongan nin pagbolong; su saiyang katongdan iyo an pagpalpag kan alpog sa mga bango, magamak kan kalayo sa bagahan, asin ta ini sa halipot sanang panahon. Alagad huli ta nagpipirit su pangangaipo asin su saiyang kahandalan pinapurawas kan saiyang mga katood, sa katapusan hinimaté man giraray sinda, napaduman sa mga lalawigan asin nagpoon nin paggiaw sa nagkapirang naghehélang, mayokod na magsingil, sunod sa sinabi saiya kan saiyang sadyat (34-a). Alagad, siring kan hagbayon na fildsofo na pigsasabi ni Samaniego, katapustapusi nagsingil nin mahal asin nagbugtak nin halangkaw na halaga sa saiyang mga paggiaw; nin huli kaini, dai pira hiniling syang sarong dakilang parabolong asin alongating nagkayaman kuta kun dai nagkaigwa nin bareta su Protomedicato sa Manila dapit sa saiyang labilabi kahalangkaw na singil asin su saiyang competensia sa iba.
Tinabangan sya nin mga particular asin mga profesor.—“!Tawo!” an saindang sabi, mahimon na si Dr. C., “pabayae syang makalalang nin kadikit na pohonan, nasa horas na magkaigwa sya nin pitong ribong pisos, makakabalik sa saiyang sadiring daga asin mabuhay duman na matiwasay. Total anong mahihimo saimo kaiyan? linilinglang nya an dangag na mga indio? Kaipuhan na magi sindang mga matimaan. !Sarong makahehérak; hare paghalca sa tinapay sa saiyang ngimot; magi ka logod na marhay na Kastila!”
Su doctor sarong marhay na kastila asin ominoyon na magbutabutahan; alagad, nin huli ta su bareta nakaabot sa talinga kan banwaan, pominoon su dai pagtiwala saiya asin dai nahaloy nawara ni Don Tiburcio
