pagkabohod, na nasasaligbatonan sa siring na bagay.
“Kun dai ko nakita, dai ako naniwala” an sa boot kan marhayon na gurang pakatapus; “an aking ini nagkasala siring sa sarong soldados sa limang énot na togon, asin magpoon sa ikaanom sagkod sa ikasampolo minsén sarong linsil, katumang niyamo! Ano na an lakaw ngunyan kan kinaban!”
Asin pominadokot nin sarong dakilang kandila sa Virgen nin Antipolo asin duwa pang saradit sa Ntra. Sra. del Rosario asin sa Ntra. Sra. del Pilar, na maignat na ibinugtak sa sarong gilid an sarong crucifijo na gading sa pagpasabot saiya na manongod saiya itong mega kandilang sinoroloan. Siring man su Virgen de Delaroche dai duman nin kabtang; sarong dai midbid na dayuhan, asin si Tia Isabel dai pa sagkod nakadangog nin and man na gibong-ngangalasan kaito.
Dai kaming pakaisi kun anong nangyari sa pagkumpisal kan bangging ito; samuyang iginagalang an siring na mga hilom. Halawig su pagkumpisal, asin su inaon, na nagmamangno sa saiyang makoina sa harayo, nakapagmasid sa cura, na bakong ikiniling su talinga sa mga tataramon kan maghehélang, kundi hampang kaini su lawog, na garong boot niyang basahon sa mga magayon na mga mata kan daraga su mga nasa-sa-isip o boot tod-an an mga ito.
Malungsi asin morosdot, lominuwas sa lambanan si Padre Salvi. Sa pagkakita kan saiyang madiklom asin ginaganot na angog, masasabi na siya an nagkumpisal asin dai nagkanigo kan absolucion.
“!Jesus, Maria y Jose!” an sabi kan inaon na nangurus sa pagpaharayo nin sarong maraot na pagisip ;
“siisay an makakasabot sa mga daraga ngunyan?"
Sa maromarom na bangraw, na iwindwagas kan talasinag (49-a), sa mga marambong na mga sangé kan mga kahoy, may saro katawong naglalakaw maluhay asin maingat su mga lakad. Tangani gayod na dai sya malagalag, nagtotorotaghoy, nin napapalaén na tagolaylay, na parati man na sinisimbag nin sarong harayo asin siring man na daging kan tingog. Mapangata-
