351
” Kinogos su hagbayon kan magúrang panó nin gam- bira.
“Inaakó ko an saímong mokná, Elías; batid kong nagootob ka kan saímong tataramon. Domigdi ka sa- kó asin ako matábang saimo na ipanghimalos an sai- mong mga ginikanan, tabangan mo man ako na ipang- himalos an sakúyang mga akí, su mga akí ko na mga árog saimo!”
“Alintanang dai pa, likayán mo pó, an gabós na mga palakaw na pinapaagi sa rigon.”
“Saímong ipaháyag an mga hinanakit kan banwaan, talastás mo an mga iyán. Noarín ko daw maaraman an simbag?”
“Pagkaáyaw nin apat na aldaw sogoan mo ako nin saró katawo sa baybayon nin San Diego asin isasabi saiya kun anó an itao sakó kan orang (54-a) na sa- kong sinasarigan . . . Kun omakó, gigibohon sató an matanos, asin kun dai, ako an énot na mapupukan sa labanan na satúyang poponan.”
“Si Elías dai magagadán, si Elías iyong magiging pamayo, kun si Capitán Pablo mapukan puwas (55-a) sa saiyang panghimalos,” an sabi kan magúrang.
Asin sya mansana an dominoló-doló kan hagbayon sagkod sa luwas.
XLVI AN BULANGAN
Sa pagpakabanal kan hapon nin Domingo paráting minapabulangán an mga nagoontok sa Filipinas, síring kan sa mga juego de toro sa Espafia. An pororok nin mga manok, káwat na pinalaog sa Kaporoan asin pi- nagexplotar sa laog nin sarong siglo, iyo an saró kan mga vicio kan banwaan, orog pa katakotákot ki sa ap- yan sa mga intsik; mináduman an dukhá tangáning isa- pangánib an saíyang pigsasaraysáray; minaduman an mayaman tangáning mag-alingáling, ginagámit an ku- warta na natatadá saiya sa saíyang mga poropiyesta asin mga misa de gracia; alagad rogaring nya an saí- yang ibinobòlang, an lálong himas na marhay asin ata- man na bulanos, pinakakaingatan na gayo, sakalé, la- bis pa sa akí, na manononod sa amá sa bulangán, asin dai kamí nin dápat ikasólang.
