dakul kamong makikitang mga magabat na panglawog,
na may darang rinabnotan nang talonan bitbit sa
bitis, su hayop na pinalaen sa laog nin halawig na mga
bulan, payaba, ataman sa aldaw, sa banggi asin
pinasikadan nin mga mababansay na pagsarig, ngunyan
bako na kundi sarong talonan asin ipapabakal nin pesetas,
tanganing lotoon sa layang-gayo asin kaonon kan
banggi mansanang ito: sic transit gloria mundi! (61-a)
Su nadaog mindpuli sa pagsadiri saen siya pinaghahalat
kan napupurisaw na agom asin kan mga nangorunitkunit
na mga aki, dai nang pohonan asin mayo nang manok.
Sa bilog na itong pangatorogan na bulawan, sa gabos
na itong pag-ataman sa laog nin pirang
bulan, magpoén kan pagdaliwawa kan kaagahon sagkod
sa pagsolnop kan aldaw, sa gabos na itong kapagalan
asin mga pagtoklos, pesetas an lominuwas, su
mga natadang abo sa siring kadakol na aso.—Digdi sa
halatan na ini nagtutunding, an kilang nin pakasabot;
an pinakamaliksi sinisiyasat na bulanos an, ginigingin,
pinaghihilinghiling, hinohénat an pakpak, kinakapkap
an mga hilo-hiloan kan mga hayop na ito. Su iba
minaduman marayrahay an panggubingan, pinagsosonod
asin napapalibotan kan mga partidario kan saindang
mga manok; an iba, mga maati, nahahdyag sa saindang
pandok an tanda kan vicio, pinagsosonod an mga hiro
kan mga mayaman asin minamarangno an mga kasi,
huli ta an bolsa mangyaring mataktak, alagad dai
masesenang an kamuyahan, duman daing lawog na bakong
masalingaya; duman an filipino bakong mapangahas,
bakong makaoyam, bakong daing girong, an gabos
mahiro an kamatean; masasabi na igwa sinda nin kapahaan na minapalinaw kan ttbig sa laboy. Sa lugar na
ini an agi pasiring sa inaapod na Rueda (62-a). Ito
palibot nin botong, parating halangkaw sa duwang énot.
Sa itaas asin haros nagdodoot sa atop igwa nin mga
alontaga para sa mga naghihiriling o sa mga parabolang, na iyo mansana. Sa horas kan pagporok su mga
alontaga nagkakaparano nin mga lalaki asin mga aki
na nagkukurorahaw, nagkakaragsing, nagiiriwal asin
nagraralanghad; sa marhay na kapaladan haros daing
nakakasagkod dumadn. Sa Rueda iritoon su mga
haralangkaw na tawo, su mga mayaman, su mga bantog na
parabolang, su asentista, su sentenciador. Sa dagang
pinisonan nin marhay, nagpoporok su mga hayop, asin
