ikawalong takná, su taknaan sa simbahan asin ibinuyagyag kan batingaw, su horas kan mga kalag, alágad
daing siisay man na inagda si Lucas na magsugal; dai
nag-arang sa mga gadán, siring sa ipinagboboot kan
anito, kundi tinokás su kaló asin nagkimotkimot
nin nagkapirang pangadieon, nangurus na gayo dara
an siring mansanang pagkalódok kan sa jefe kan Cofradia kan Santisimo Rosario.
Nagdamlag nin yapuyapu. Pagikasiyam na takná, madiklom asin dai nang katawotawo sa mga lansangan; su mga farol na sa lana, na dapat bitayon nin lambang may harong, pahangang makaliwanag sa likos nin sarong metro; garong pinadoroktan tanganing makita su kadiklomán.
Duwang Guardia Civil naglalakawlákaw sa magibong na sagkod kan lansangan sa tangod kan simbahan.
"!Malipot!" sabi kan saró sa tagalog sa tingog na visaya; "dai kita nadakop ni sarong sacristán dai nin mahirahay kan minokna kan alférez... huli kan pagkagadan kan saró nagbarásol na gayo, nakakapáwot ini sakuyá."
"Asin sakó man," an simbag kan saró, "dai nin naghahabon, dai man nin nagpaparibok, alágad, salámat sa Dios, sabi si Elias nasa banwa. Sabi kan alférez an makádakop saiya, makakaligtas sa hampak sa laog nin tolong bulan."
"Ah! Toroom mo an mga tandá?" an hapot kan visayá.
"Naniniwala ako! tindog, halangkaw alinsunod sa alferes, kasiyahan alinsunod ki Padre Dámaso; kúray, kayomangi, mata, itom dongo, kasiyahan; ngosó, kasiyahan, barabás, dai, búhok, itom..."
"!Aa! asin mga napapalaén na mga tanda?"
"Bádong itom, pantalón na itom, parakahoy..."
"Aa! dai makakadulag, garo ko na syang nakikita."
"Dai ko sya ikakatibakli sa saró, minsán pa maka-agid."
Asin nagpadagos kan saindang pagronda su duwang soldados.
Sa liwanag kan mga farol nakakita namán kami nin duwang anino na nagsusunodan sa makúring pagingat. Magkasi ito napogolan nin sarong marigon na quien vive? asin nagsimbag su sa enotan. !España! sa tinatakigan na tingog.
