“Dai po; !sarong alzamiento sa cuartel!”’
“Anong alzamiento? Su cura laban sa alférez!”
“Bako lamang iyan,” an sabi kan naghapot; “su mga intsik na mga nagsublebar.”
Asin napinté liwat su saiyang bintana.
“!Su mga intsik!” inolit kan kagabsan dara an da- kulang pagtaka.
“Nagkagaradan gayod gabds.”
“Dati nang. pighohona ko na magiribo nin mardot. Kasoodma..
“Dati nang nakita ko, Kasubanggi.."
“!Kanogon pa!” an sabi ni Hermanang Rufa; “na magkagaradan sinda gabos bago dumatong an Pasko nin Pagkamondag, an nagdadara sinda nin mga pa- balik (114-a).. Hinalat kuta ninda su bagong taon. ."
Sa luhayluhay nagkakaigwa nin kabuhayan su lan- sangan: énot su mga ayam, mga manok, mga orig asin mga salampati, su mga muyang maglibot; sa mga ha- yop na ini may mga nagsusurunod na mga barobata na mga girisi su gubing, na mga nagkakarabitan sa takyag asin mga tarakot na magpasiriring sa cuartel; dangan, nagkapirang mga magurang na babaye, na may mga soklob na panyo na nababanting sa koko, sa- rong dakulang bilangan sa kamot, sagin nangangadyé tanganing paagihon sinda kan mga soldados. Kan ma- kitang nakakapaglakaw na dai man binabadil, iyo nang pagpoon nin pagluwas kan mga lalaki, sagin "dai sinda labot; sa kapinohan, naglakawlakaw sinda sa tangod sana kan harong, pinaghohorohapros su manok; dangan nagbalo sindang homoroharayo, mandiit-mandiit mina- orodong, sa siring na bagay nagpakadatong sinda sa tangod kan tribunal.
Pagkaayaw nin sarong ika-apat na kabtang nin sa- rong horas may ibinabalangibog na ibang mga bareta. Si Ibarra, kaiba su saiyang mga sorogoon, boot dokoton si Maria Clara, asin ta sinorog ni Capitan Tiago, na tinabangan kan Guardia Civil. Bako nang kagapat, kundi tolo nang polo su bilang kan mga gadan; nalu- gadan si Capitan Tiago asin ngunyan mansana nasa Manila kaiba su saiyang angkos.
Ginikanan nin dakulang tiyata (115-a) an pagdatong nin duwang cuadrillero, na may darang bangkay nin tawo sa pababa, an pinagsusunod nin Guardia Civil.
