molok (siring sa masasalom sa saiyang talad asin sa saiyang hilingon) labis pa sa ikogan asin manggiwa-long yawa (49) na pinapadolot kan tingo sa saiyang sa daragangan na paa. Dai nanggad duman minarani si Capitan Tiago sa takot na may mangyaring milagro. Makapira daw pangyari asin pira daw na ladawan an nagkaigwa nin bihay minsan and ka daing data kan pagkalingat, siring kan mga nagluluwas sa mga pagibohan sa Paete (50), sa kasopogan asin padusa sa mga daing pagtubod na mga parakasala? Kabantogan na sarong Cristo sa Espana, kan arangon na maging saksi sa mga kapanugaan nin pagkamoot, tominangd sa atibang kan hokom, na saro naman na Cristo tominanggal su kamot sa pagkogos ki Santa Lutgarda asin ano dai nya nabasa sa sarong librito na pinapaluwas pa sana, dapit sa sermon nin sarong ladawan ni Santo Domingo sa Soriano? Daing katagang itinaram su santo, alagad sa saiyang hiro-hiro masasalom okun sinalom kan mga kagsurat kan librito an katapusan kan kinaban. Bakong pigsasabi man na an Virgen de Luta sa banwaan nin Lipa (51) gatok an sa ibong na pisngi asin ta madugi su gayad kan gubing? Bako daw ining katibayan na an mga mahal na ladawan nagraralakaw man na dai binabaton an bado asin pinagkokorologan man nin ngipon, sakalé, huli satuya? Dai nya nakita kan saiyang mga mata an gabos na mga Cristo sa sermon kan Siete Palabras naghihiriro asin idinodoroko an payo nin makatlo, na iyong dahelan na magngagtangis asin magagha an mga babaye gabos asin mga kalag na mga mamondoon na itinalaga sa langit? Iowa pa? Nakita nyamo mansana na ipinagpapahiling kan predicador sa banwaan, kan horas mansana kan pagtanggal, an sarong panyong tomtom nin dugo, asin mahibi na kuta kami sa lubos na kalodokan kan, huli sa kapahamakan kan samong kalag, sabihan kami kan sacristan na karaw ito: dugo nin gunakan na inasal asin kinaon na daing kamayokdan minsan ngani Viernes Santo... asin ta mataba su sacristan. Kun siring, si Capitan Tiago, sa saiyang pagkamaalam (52) asin pagkabanal, naglilikay na makarani sa cris ni San Miguel—“!Maglikay kita sa mga bahigay!” (53) an sabi sa saiya mansana; “talastas ko na sya sarong arcangel, alagad, dai, dai ako maniniwala, dai ako maniniwala!”
