Naguguhit sa salaysay nin sa táwong mga pagtíos an sarong labi kamakamandag na cáncer na, madôtan sana nin kadikit, minakarásang tolos asin minakolog nin makuri. Tara, makapira ko binóot sa añaw nin mga bagong budhaya (1) na omapod saimo, tangáning maantabayan ako kan saímong giromdom, okun tangáning ibágay ka sa ibang mga banwaan, mantang namamantáag sakuyá an saímong mahal na ladawan na igwa man nin
síring na panggabungan (2) na cáncer.
Sa sakong pagmawot kan saímong kaginhawahan na samuyá mansana, asin sa paghanap nin orog karahay na palakaw sa
pagbolong, gigibohon niyakó saimo an ginigibo kan mga tawo
kaitong soánay sa saindang mga naghehélang, na ibinobugtak
ninda sa mga tangga kan templo tangáning an lambang dumatong sa pagpamibí sa Dios, sumabi saiya nin súkat makakaómay.
Sa síring na katuyohan, hihinguahon niyakó na iladawan
na bulanos an saímong kamugtakan, na dai ko pagtatalontagonan; sakúyang bubuksan an kabtang na nakakatáhob kan kahelangan, gabós kong pagmamalaskitán huli sa katotoohan, sagkod an pagkamoot sa sadiri, tara, síring sa saímong akí, igwa man
ako kan saimong mga kakulangan asin mga kaluyahan.
Europa, 1886.
- AN KAGSURAT
