asin mga mako-ina naghahadé an sarong banal na pagpalinabawan, kan mga vapor kaidto sa Pampanga na nahoholog sa kapakinabangan kan banwaan. Nagtao si Capitan Tiago nin baston na pirak na may mga tampok na esmeralda asin mga topasio sa arin man na Virgen yaon na man si Doña Patrocinio na minatogon sa platerong si Godines na igibo man siya nin sarong baston na bulawan na may mega brillante; na sa procesion kan Naval si Capitan Tiago nagpatindog nin duwang kastillo, arco na may duwang pandok, mga generong pinabotog, may mga espejo, mga globong salming lampara asin mga araña, si Doña Patrocinio mapaluwas nin may apat na pandok na kastillo, halangkaw nin duwang bara dakol na mga bitay asin mga kalaykay. Alagad sa siring na pangyayari minadulok siya sa saiyang kuta, an mga pamisang sinasabayan nin mga bomba asin mga fuegos artificiales, asin si Doña Patrocinio nanggogoop na sana, tara, mantang labi kakirigkigon dai siya makakatios na magdangog kan repike kan mga kampana, lalong-lalo na an mga porok-potok. Alintanang si Capitan Tiago naghohoyomhoyom si Dofia Patrocinio nagiisip kan saiyang panghimalosnasin binabayadan kan sa ibang kuwarta an orog karahay na mga predicador kan iimang Corporacion sa Manila, sa mga bantog na gayong mga canonigo sa Catedral asin pati mga paulista tanganing magsermon sa mga aldaw nin mga darakulang fiesta dapit sa mga paksa sa teologia na labi karayom sa mga parakasala na daing nasasabotan kundi an mga harababa sanang mga taramon. Napagmasdan kan apling ki Capitan Tiago na si Doña Patrocinio natotorog sa oras kan sermon. Alagad an simbag man kan mga ki Doña Patrocinio binayadan na su sermon, asin sa saiya, asin sa gabos na bagay, an pagbayad iyo an orog kamahalaga. Kahurihurihi nagtao siya sa sarong simbahan nin tolong andas (58) na pirak na may dorado, lambang saro kan mga ini naghalaga saiya nin mahigit sa tolong ribong pisos. Minamawot ni Capitan Tiago na matapos na an orog karahay na aldaw kan magtrang na ining babaye o madaog an mga lima o anom kan saiyang mga asunto tanganing an Dios lamang an saiyang paglinkodan; alagad sa karaotan nin palad, an mga asuntong iyan ilinalaban kan orog kabantog na mga abogado sa Real Audiencia, asin kun mapadapit sa saiyang
