ginhawa, dai nin dalan na madakpan saiya kan hélang; baga na alambreng batbat, hayag na gayo na iniho nangyayari tanganing magkaigwa nin panganinohan an iba, asin ta nangongotiil sa dagang ining pinanangisan asin hupot na bulanos siring sa sarong alisngaw na minaluwas sa kilit ... Lubos an paniwala kan saiyang mga kasapi na sa saiyang pagkagadan gigibohon siyang santa asin ta si Capitan Tiago mansana magsasamba, saiya sa saiyang mga dambana, bagay na inaako asin ipinangangako ni Capitan Tiago bastang magadan tolos, si Doña Patrocinio. Iyo ini si Capitan Tiago kan panahdén na ito. Kun dapit sa nakaagi... Iyoiyong aki nin sarong azucarero sa Malabon, mayaman na gayo, alagad labilabi kamaimot mala ngani ta di boot gumasto minsan sarong bilog man lamang sa pagadal kan saiyang aki, nin huli kaini inataman si Santiaguillo nin sarong maorop na dominico, sarong tawong banal na gayo, na nagmamalasakit sa pagtokdo ki Santiaguillo kan gabos na karahayan na saiyang mahihimo asin saiyang naaraman. Kan magkakaigwa na siya kan siya magadal nin Logica, huli kan pagkagadan kan kagataman saiya na sinundan kan sa saiyang ama, natonong su saiyang pagadal, asin ta napiritan na lumaog sa pagnenegosio O pangangarakal. Nakaagom nin sarong magayon na binibini na taga Santa Cruz, na tominabang sa saiya sa paglalang kan saiyang kayamanan asin huli sa siya saro sa mga lataw asin igagalang na tawo. Si Doña Pia Alba dai namungayahan sa pagbakal lamang nin azucar, café asin añil; boot siyang magtanom asin magani, asin ta su bagong-kasal namakal nin mga daga sa San Diego, asin ta duman nagpodn sinda ni Padre Damaso asin ni Don Rafael Ibarra, an orog kamayaman na capitalista sa banwaan. Haros sarong makakundian na gawé an paghinguhang ito na makatipon nin kayamanan, huli sa pagkadai nin taga-pagmana sa laog kan énot na taon kan saindang pagkainagoman asin, minsan siring, si Doña Pia mabagwas, mataba asin hinorokol. Saiyang lamang kan saiyang mga pagnovena, pagdalaw sa Virgen nin Caysasay sa Taal, sa pasunod kan mga devota ni San Diego, pagwaras nin mga limos, pagsayaw sa procesion sa tahaw kan saldang sa laog kan bulan na Mayo
