lunadàn; may lúnad na sarong akíng kagsarong (11) taón, na minaabot pa sana sa banwaan, nakatao nin kamondoan sa pangyaring ito, sya lamang an nakapurisaw kan sominonod na banggi.
Dai na su marayráhay asin bantog na Puente de Barcas (97), an tulay na itong pinilipinong-talaga na ginigibo an gabós na mahihimo tanganing makapaglingkod, minsan na ngani katuttibong mga kakundian, kun gayod minahalangkaw, kun minsan, minahababa, sunod sa katubigan kan Pasig asin baké sanang makasaro ito pagrataki asin paglaglaga.
Su mga almendro sa plaza de San Gabriel dai nagtaralubo, mga hagiwhiwon man giraray.
Sa saiyang pagloba bako nang marayrahay na gayo su Eseolta, minsan ngani sarong bagong gadong (98) an nagtitindog sa dating natitindogan kaito kan mga camarin, bagong Puente de Espania nakaapod kan saiyang pangataman; su mga harong sa pangpang sa too dapit kan sdlog sa pagultan nin kabotongan asin kakahoyan, saen minasagkod su Escolta asin minapoon su poro kan calle Romero, pinagiromdom saiya kaitong mga mahayahay na kaagahon, kun minaagi sya duman sa sarong baroto pasiring sa parigusan sa Uli-Uli.
Kadakol syang ipinagsabat na mga lunadan na pinagguguroyod nin mga kabayong mongan; may mga lunad na mga empleado na mga puruyat pa, sakalé, pasiriring sa saindange mga pasuratan, mga militar, mga intsik, sa sarong bakong hisay asin makangingising panindugan, mga fraile na mga magagadbat su pamandok, mga canonigo (99) asin iba pa. Sa sarong marayrahay na tagumpay garong iyong namimidbid si Padre Damaso, daing girong asin korondot su kiray, alagad nakalihis na asin maogmang tinaong-galangan ni Capitan Tinong na nalulinad sa saiyang carretela kaiba su saiyang agom asin su duwa nyang aking babaye.
Sa ibaba kan tulay, dominaralagan su mga kabayo pasiring sa paseo de la Sdbana. Sa wala, sa laog kan pinaggigibohan nin Tabako sa Arroceros nadadangog su linagapak kan pamolpog kan mga babayeng mga paragibong cigarrillo na nagpoporolpog kan mga dahon kan tabako. Dai napogolan ni Ibarra su saiyang ingi-ngisi kan magiromdoman nya an makosog na itong parong na sa ikalimang horas nin hapon nakakahamog sa Puente de Barcas asin nakakalula okun nakakasomo
