SI CERVANTES SA AGAMASILLA DE ALBA
Monínong su banggi: sáyod na tahimik,
Su bulan naglakbay sa lángit,
Asin kan La Mancha na mabúkid,
Sa pátag su saga pinapadalíhig;
Dai, máyong gironggirong, 5
Naglilipot na su símuy,
Su mga búrak nin Abril padara,
Mga balaog man ngáning mahalaga;
Sa katiwasayan nababalahoba, 10
An ruiseñor daing kaalo na;
Kalag malípot na sadya.
Kaidto nakikinabang
Sa bangging pangatorogan;
Dai nin katiwasayan
Iniho ngáning kinab-an, 15
Na pinayabá kan katalagahan;
Sa makúring pagkanánok,
Byong lingaw kan haronáhod,
An kapaladan nyang sayod,
Linilingawan man gayod; 20
!Ay! sarong lalaki lámang,
Igwang kapangutiílan,
Saiyang pinagmamasdan
Malungsí na kagayonan,
Sa may rejas na langsang, 25
Baga sarong bilanggoan
Mabangis na kapung-awan.
Sa mayombok nyang ángog
Nagbobolos nanggayod
An ságang daing kaárog 30
Kan ki Dianang sagahok,205
Iniitaas maabhaw.
Sa mga mata nya man,
Natatagong makapangyarihan,
An láad nin kadonongan, 35
Nagkukútad masagaysay.206
- 205 Makúring liwanag.
- 206 Mainit na marahay.
