Si Leónido, Si Cándido, si Pascual (anas na mga akí); coro nin mga Akí, nin mga Demonio, asin iba pa.
(An gawé ginigibo sa pangpang kan sálog na Pásig, sa banwaan na síring an pagngaran; an samno nagre- representar kan sálog, asin su sa ibong na pangpang na namumugtakan kan mga personajes. Makikita su simbahan, mga harong, mabotong asin dakol na mga lavandera asin mga samnong katutubo sa mga banwaan nin Kaporoan. Agang amay asin, ta kun siring, sukat na huwadon an pagkamugtak kan palibot.)
Si Cándido, si Pascual asin iba pang mga Akí. (Saró
sa mga ini may darang búrak, su iba mga wagayway
asin mga kawatan na rogaring nin pagkaaki.)
Mga búrak, mga clavel,
Makawíling Pásig,
Ika magpakarikit
Sa gayón na daing-síring;
Diosnon na daliwawa,
Su lángit nyang maganda
Ginogubingan
Nin magayon na ilaw
An mga mata nya
Diosnon na talaga,
Angog nya pamanagbánag,
Su kinayanga nyang ngábil
Sa daghan minapaláad;
Sa saimo mahamis
Na kagayonan,
