MGA RAWITDAWIT NI RIZAL
(An rawitdawit na ini isinúrat ni Rizal sa tagalog;
kinastilá ni Ep. Santos)
Kun an saró na banwaan
nagmamahal na dalísay
sa horon na pigkaogdan
saiya kan kalangitan,
sadyang nagmamalasakit,
nin pakahiwas magkamit,
gamgam na gayo kaagid
sa kahiwasan nin lángit.
Sa saindang pangongólay
lubós sindang hinohokman
gabós na mga banwaan,
mga roná, kahadean;
an lambang namamanwaan,
síring sa ibang linalang,
sarong ginahá na túnay,
síring na katalingkasan.
An bulanos na masuyá
sa sadiri nya na dilá,
labis sa rogok na sirá,
makasosomó ta lapá;
kayá dápat na ialay
an bulanos na pagmahal,
síring sa inang magúrang,
na nagmumutyang dalísay.
An tagálog na panaram,
sa latin nakakabagay,
sa inglés, sa kastilá man,
sa ángeles ngáning ólay,
huli ta an Dios na mahal,
sa gabós nangangataman
sa sató minakaogdan
nin totoong pagkaugnay.
