Dai nya tatalikondan
An toklós hanggang mahamán,
Kan talá-ínit mamasdan,
Kun di sya, natitikbahan,
Labis na saíyang tunay
An pagtubod kan Dapitan.
Sa daliwawang mabansay,
Tandá nin gáweng malinaw,
Napadigdi sa pagtaong gálang
An bagong-kasangtawohan
Digdi nganí sa Dapitan.
Ngápit magkakaigwa man
Nin mga kalalakihan
Na kan dagá maborongkal.
Asin dai sagkod pa man
Ibubugtak na dalísay
Sa súkab na pakalingaw
Anó man kan púrok útang
Sa pagmamawot mong dánay.
Pamayo labis na túnay,
Sa comandante man labaw,
Na naghahadé man bílang
Nin kamot na baga bákal,
Na kastilá na marhay,
Sarong amang mapagmahal
Kaíning pórok na túnay;
Mantang ika an halangkaw
Na may kapangyarihan
An banwa na sa wagayway
Kan España napaálaw,
Magpaka-amá ka lámang
Sa babaye na akí man,
Daing ibang lilaoman
An iná nya na magúrang.
Minsan sa símong palakaw,
Pula, malipot, gagadán,
Dai sindang pakaáram,
Kun pan-o kang mapagbalsan,
Dai mo sinda isuhay
